ಮುಂಗಾರು ಮಳೆಯಾಗ

ಮುಂಗಾರು ಮಳೆಯಾಗ

ಜಾನಪದ ಶೈಲಿ ಗೀತೆ

ದೂರದ ಬಾನಾಗ ಕರಿಮುಗಿಲು ಕಟ್ಟೈತೆ 

ಮಳೆ ಬರುವ ಸೂಚನೆ ಕಾಣುತೈತೆ

ಮಳೆಬರುವ ಸೂಚನೆ ಕಾಣುತೈತೆ /ಮರಗಿಡ

ಗಾಳಿಗೆ  ತಲೆದೂಗಿ ನಲಿದೈತೆ

ಗುಡುಗು ಮಿಂಚಿನ ಆರ್ಭಟ ಜೋರೈತೆ

ಗಾಳಿಯ ಮೊರೆತ ಕೇಳುತೈತೆ

ಗಾಳಿಯ ಮೊರೆತ ಕೇಳುತೈತೆ/ಧರೆಯೊಡಲು

ಸಂತಸದಿ ನಲಿದು ಬಿಟ್ಟೈತೆ

ಬೇಸಿಗೆಯ ಬಿಸಿಲಿಗೆ ಬಳಲಿದ ತರುಲತೆ

ಮಳೆನೀರ ಸಿಂಚನಕೆ ಕಾದೈತೆ

ಮಳೆನೀರ ಸಿಂಚನಕೆ ಕಾದೈತೆ / ತಲೆಯೆತ್ತಿ

ಬಾನಿನ ನೋಡುತ್ತಾ ನಿಂತೈತೆ

ಮುಂಗಾರು ಮಳೆ  ಹರುಷವ ತಂದೈತೆ

ರೈತನ ಮೊಗ ಅರಳೈತೆ 

ರೈತನ ಮೊಗ ಅರಳೈತೆ / ಮಳೆಕಂಡು 

ಹೊಸಹುರುಪು ಮೂಡಿ ಬಂದೈತೆ 

ಬೆಳಗಾತ ಎದ್ದು ನೇಗಿಲ ಹಿಡಕೊಂಡು

ಗದ್ದೆಯ ಬಯಲಿಗೆ ಹೊಂಟಾನ

ಗದ್ದೆಯ ಬಯಲಿಗೆ ಹೊಂಟಾನ  /ನಮರೈತ 

ಭರಪೂರ ಬೆಳೆಯ ಬೆಳೆತಾನ

ಪಂಕಜಾ.ಕೆ. ರಾಮಭಟ್