10

[21/8/2019, 7:41 PM] pankajarambhat: ನಿನ್ನಾಟ

ಮನದಲಿ ನೂರಾರು ಆಸೆಗಳ ತುಂಬಿ

ನಿನ್ನಾಗಮನಕೆ ಎದೆತೆರೆದು ಕಾಯುತ್ತಿದ್ದೆ

ಆಸೆಯ ಕರಿಮುಗಿಲು ಮನದಲಿ ಕಟ್ಟಿ

ಹಸಿರು ಹೂಬಳ್ಳಿ ಚಿಗುರಿಸುವ  ನಿರೀಕ್ಷೆಯಲಿದ್ದೆ

ಆಸೆ ನಿರಾಸೆಗಳ ತಾಕಲಾಟದಲಿರಲು

ಮುದ್ದಾಡುತ ನೀಬಂದು ಮೈಮರೆಸಿ ಬಿಟ್ಟೆ

ಒಡಲು ತುಂಬಿದ ಬೇಗೆಯನು ತಣಿಸಿ

ಮನಕೆ ಚೆಲುಉಸಿರ ತುಂಬಿ ಬಿಟ್ಟೆ

ಹುಚ್ಚುಪ್ರೀತಿಯ ಅಲೆಯಲಿ ನನ್ನತೇಲಿಬಿಟ್ಟೆ

ಕೊಚ್ಚಿಹೋಯ್ತಲ್ಲಾ ನನ್ನ ಒಡಲು

ಮೊಸದಾಟಕೆ ಬರಿದಾಯ್ತು ಬಾಳಬಯಲು

ಎಲ್ಲೆಲ್ಲೂ ತುಂಬಿತು ಕಣ್ಣೀರ ಹೊನಲು

 

ಹರಿದೋಯ್ತು ಜೀವಿಗಳ  ಬಾಳ ಬಟ್ಟೆ

ಹಸಿರು ಉಣಿಸುವ ಆಶೆ ಸತ್ತೋಯ್ತು

ಜೀವ ಸೊತ್ತುಗಳೆಲ್ಲಾ ಕೊಚ್ಚಿ ಹೋಯ್ತು

ಮನುಜನಾಡಿದ ಮೋಸದಾಟದಲಿ

ಮರೆಯಲಾರದಂತ ನೋವು ನಿನ್ನಿಂದಾಯ್ತು

ಪಂಕಜಾ ಕೆ.

[26/11/2019, 6:30 AM] pankajarambhat: ಸೂರ್ಯಸ್ನಾನ

ನೋಡು ಬಾನಲಿ 

ಮೂಡ ಹೊಡೆಯಲಿ

ಹೊನ್ನ ಕಿರಣವು ಚೆಲ್ಲಿದೆ

ಮಂಜು ತೆರೆಯನು 

ಭರಧಿ ಸರಿಸುತ

ಮೆಲ್ಲ ಮೆಲ್ಲನೆ ಬರುತಿದೆ

ಹಸಿರು ಹುಲ್ಲಲಿ

ನಿಂತ ಹನಿಗಳು

ಕರಗಿ ಹರಿಯಿತು ಮೆಲ್ಲನೆ

ಬಾನ ಬಯಲಲಿ

ಚೆಲುವ ಬಣ್ಣವ

ಕಲೆಸಿ ಬರೆಯಿತು ಚಿತ್ರವ

ಎಲ್ಲಿ ನೋಡಲಿ 

ಚೆಲುವು ತುಂಬಿದೆ

ರವಿ ಉದಯಿಸುವ ಕ್ಷಣದಲಿ

ಬಿಸಿಯ ಸ್ಪರ್ಶವು 

ಹಿತವ ಕೊಡುತಲಿ

ಮೈ ಮನಕೆ ತುಂಬಿತು ಹರ್ಷವ

ಚಳಿಯ ಕರಗಿಸಿ

ಬಿಸಿಯ ಹುಟ್ಟಿಸಿ

ಜೀವಕೋಟಿಗೆ ತುಂಬಿತು ಉಸಿರನು

ಸೂರ್ಯ ಸ್ನಾನವ

ನಿತ್ಯ ಮಾಡಲು

ಆರೋಗ್ಯ ಭಾಗ್ಯವು ಸಿಗುವುದು

ಪಂಕಜಾ.ಕೆ.

[26/11/2019, 7:08 PM] pankajarambhat: ಮುನಿಸು

ಮಾತನಾಡದೆ  ಏಕೆ ನಿಂತೆ

ನೀಳ ಜಡೆಯ ಸುಂದರಿ

ಯಾವ ಯೋಚನೆ ನಿನ್ನ ಮನದಲಿ

ತುಂಬಿ ನಿಂತಿದೆ ಹೇಳು ನೀ

ಕಿಟಕಿಯೆಡೆಯಲಿ ಇಣುಕುತಿರುವ

ಚೆಲುವ ಚಂದಿರ ಕಂಡನೆ

ನಿನ್ನ ಮನದ ಭಾವವರಿತು

ಬೆಳ್ಳಿ ಚಂದಿರ ನಕ್ಕನೆ

ಮುದ್ದು ಮೊಗವು ಬಾಡಿತೇಕೆ

ತವರ   ನೆನಪು ಕಾಡಿತೆ

ಕೋಪತಾಪದಿ ನಲುಗಬೇಕೆ

ನಮ್ಮ ಬಾಳದು ಹೇಳು ನೀ

ಮುದ್ದು ಮುಖದ ಚೆಲುವು ಕುಗ್ಗಿದೆ

ತಾಳಲಾರೆನು ಈ ಮೌನವ

ಮುನಿಸು ತೊರೆದು ನಗುವ ತೋರೆ

ನೀನೇ ನನ್ನ ಬಾಳಿನ ಅರಗಿಣಿ 

ಪಂಕಜಾ.ಕೆ

[28/11/2019, 9:00 PM] pankajarambhat: ಗಜಲ್

ಜುಳು ಜುಳು ಹರಿಯುವ ನದಿಯಂತೆ ಮನಸು ಪ್ರಶಾಂತವಾಗಿದೆ ನಲ್ಲ

ಮುಂಜಾವಿನ ತಂಗಳಿಯ ತಂಪಿನಲಿ ನಲಿಯಬೇಕೆನಿಸಿದೆ ನಲ್ಲ

ನಿನ್ನ ಒಡನಾರವಿದ್ದರೆ ಬಾಳ ಬಳ್ಳಿಯಲ್ಲಿ ಹೂವು ಅರಳುವುದು

ನಗು ನಗುತ ಜೀವನದ ಸವಿಜೇನು ಸವಿಯೋಣವೆನಿಸಿದೆ ನಲ್ಲ

ನಾವಿಬ್ಬರು ಒಂದಾಗಿ ಕಡಲ ತಡಿಯಗುಂಟ ಸಾಗಬೇಕು

ಸಾಗರದ ಆಳದಂತಿರುವ ನಿನ್ನ ಮನವನ್ನು ತಿಳಿಯಬೇಕಾಗಿದೆ ನಲ್ಲ

ಬಾಳೊಂದು  ನಂದನವನ ವಾಗಿದೆಯಲ್ಲವೇ

ನೀಜತೆಯಲ್ಲಿದ್ದಾಗ  ಯುಗವೊಂದು ಕ್ಷಣದಂತಾಗಿದೆ ನಲ್ಲ

ಕಷ್ಟ ಸುಖಗಳನ್ನು ಸಮಾನವಾಗಿ ಕಾಣಬೇಕಲ್ಲವೇ ಪಂಕಜಾ

ತುಂಬು ಪ್ರೀತಿ ಯಿಂದ ಜೀವನದಲ್ಲಿ ಅರುಣೋದಯವಾಗಿದೆ ನಲ್ಲ

ಪಂಕಜಾ.ಕೆ

[29/11/2019, 10:03 AM] pankajarambhat: ಜೀವನ.  ಭಾವತರಂಗ. ಮುದ್ದಣ ಪ್ರಶಸ್ತಿ12

ರಾಗವೊಂದು ಬಾವಹಲವು

ಇರುವ ತರದಿ ಜೀವನ

ಅರಳಬೇಕು ಚಂದದಿಂದ

ಹೂವಿನಂತೆ ದಿನ ದಿನ

ನನ್ನ  ನಿನ್ನ  ಒಲವಿನಲ್ಲಿ

ಇರದು  ಎಂದು ಬಡತನ

ನಲಿಯಬೇಕು ನಿತ್ಯ ನಾವು

ಬಾರದಂತೆ   ಹಗೆತನ

ಸೂರ್ಯ ಚಂದ್ರ ಇರುವ ತನಕ

ಇರದು ನಮ್ಮ  ಜೀವನ

ಬರಿದೆ ಕೋಪ ತಾಪದಲ್ಲಿ

ನಲುಗದಿರಲಿ ಮನೆ ಮನ

ಹಾಲು ಜೇನು ಬೆರೆತಂತೆ

ಇರಲಿ ನಮ್ಮ ಜೀವನ

ಜೀವವಿರುವ ತನಕ ನಾವು

ಜತೆಯಲ್ಲಿದ್ದರೆ. ಪಾವನ

ಪ್ರಕೃತಿಯಲ್ಲಿ ವಿಹರಿಸುತ್ತ

ಪಡೆಯಬೇಕು  ಹೊಸತನ

ಬಾಳು ಬೆಳಗುವಂತೆ ನಾವು

ನಲಿಯಬೇಕು  ಅನುದಿನ

ಪಂಕಜಾ.ಕೆ.

[18/12/2019, 11:13 AM] pankajarambhat: ತಿಂಗಳ ಬೆಳಕು

ತಿಂಗಳ ಬೆಳಕಲಿ

ಅಂಗಳ ಬದಿಯಲಿ 

ಹಾಲಿನ ಹೊಳೆಯೇ ಹರಿಯುತಿದೆ

ತಂಪಿನ  ಕಿರಣವು

ಇಂಪಿನ ಗಾನವು

ಮೈಮನವನ್ನು ಮರೆಸುತಿದೆ

ಚಂದದ ಹೂಗಳು

ಅಂದದಿ ಅರಳುತ

ಕಂಪನು ಎಲ್ಲೆಡೆ ಹರಡುತಿದೆ

ಕೊಳದಲಿ ಅರಳಿದ

ತಳದಲಿ ನಲಿದಿಹ

ನೈದಿಲೆ ನಗುವನು ಬೀರುತಿದೆ

ಚಂದಿರ ಬರಲು

ಕಂದರ ವಿರಲು

ಮನದಲಿ ಸಂತಶ ತುಂಬುತಿದೆ

ಬಾನಲಿ ಓಡುತ

ಎಡೆಯಲಿ ಮಿನುಗುತ

ರಸಿಕರ ಮನವನು ಸೆಳೆಯುತಿದೆ

ಪಂಕಜಾ.ಕೆ

[20/12/2019, 12:32 PM] pankajarambhat: ಗಜಲ್  ( ಅಂಬಾರಿ ಬಗ್ಗೆ)

ಅಂಬಾರಿಯನು ಹೊತ್ತ ಜಂಬೂ ಸವಾರಿ ನೋಡೋಣವೇನೇ ಸಖಿ

ತಿರುಗುವ ರಾಟೆಯಲಿ ಜತೆಯಾಗಿ ಕುಳಿತುಕೊಳ್ಳೋಣವೇನೇ ಸಖಿ

ವರ್ಷ ವರ್ಷವೂ ಜಾತ್ರೆ ಮೇಳಗಳು  ಅಲ್ಲಲ್ಲಿ ಬರುತಿದೆ

ಸಂತೆಯಲಿ ಸುತ್ತಾಡುತ  ನಲಿಯೋಣವೇನೇ ಸಖಿ

ವರುಷಪೂರ್ತಿ ಸಂಭ್ರಮದ ಹಬ್ಬಗಳು  ಎಲ್ಲೆಡೆಯೂ ಇರುವವು

ನಿನ್ನೊಡನೆ ನಲಿದಾಡಲು   ನೆಪಬೇಕಲ್ಲವೇನೇ ಸಖಿ

ಅಷ್ಟು ದೂರನಿಂತೇಕೆ  ನಿತ್ಯ ಕಾಡುವೆ ನೀನು  ಹೇಳು

ಇನ್ನಷ್ಟು ಹತ್ತಿರಬರಲು  ಭಯಪಡಬಹುದೇನೇ ಸಖಿ

ನೋಡು ಬಾನಲ್ಲಿ ಚಂದಿರ ಎಷ್ಟೊಂದು  ನಗುತಿರುವನು

ನಮ್ಮ ಸರಸ ಅವನಿಗೂ ಖುಷಿ ಕೊಟ್ಟಿತೇನೇ ಸಖಿ

ಹೊಸ ಬಟ್ಟೆಯನ್ನು ಉಟ್ಟು ಸಂಭ್ರಮದಿಂದ ನಲಿದಾಡುವೆಯಲ್ಲ 

ನನ್ನ ನೋಡಿದಾಗಲೆಲ್ಲಾ ಒರೆನೋಟವ ಬೀರುವೆಯೇನೇ ಸಖಿ

ನಿನ್ನ ನೆನಪಲ್ಲಿ ನಿತ್ಯ ಮುಳುಗಿರುವೆ ನಾನು ಪಂಕಜಾ

ಬಾಳ ಪಯಣದಲಿ ಜತೆಯಾಗಿ ಸಾಗೋಣವೇನೇ ಸಖಿ

ಪಂಕಜಾ.ಕೆ.

[8/1/2020, 3:04 PM] pankajarambhat: .ಹಸಿರು..ಉಸಿರು

ಹಸಿರಿನ ಸಿರಿಯಲಿ ಉಸಿರಿನ ಬಲೆಯಲಿ

ನಲಿಯುತಲಿರುವುದು ಮನೆಯೊಂದು

ಸುತ್ತಲೂ ಹಸಿರಿನ ಬೆಟ್ಟಗುಡ್ಡಗಳು ತುಂಬಿ

ಸ್ವರ್ಗವು ಧರೆಗಿಳಿದಂತೆ ತೋರುವುದು

ಮುಂದಿನ ಅಂಗಳ ತುಂಬಾ ಬಿತ್ತಿದ ಬೆಳೆಯು

ಹಸಿರಿನ ಹಾಸಿಗೆ ಹಾಸಿದ ತೆರದಿ ತೋರುವುದು 

ಚಂದದ ಮನೆಯಲಿ ಅಂದದಿ ನಲಿಯುತ

ಹಸಿರಿನ ಉಸಿರನು ಸವಿಯುತ ನಲಿಯೋಣ

ಹಳ್ಳಿಯ ಮನೆಯದು ಚಂದದ ಬಂಧವು

ಪ್ರಕೃತಿಯ ಮಡಿಲೇ ಸ್ವರ್ಗಸದೃಶ  ಜೀವನವು

ನೀರಿಗೆ ಉಸಿರಿಗೆ ಬರವೇ ಇಲ್ಲದ

ಪ್ರಕೃತಿ ರಮ್ಯ  ಸುಂದರ ತಾಣವದು

ಬೆಳಗಿನ ಜಾವವೇ ಚುಮು ಚುಮು ಚಳಿಯಲಿ

ಬಿಸಿ ಬಿಸಿ ಕಾಪಿಯ ಹೀರುವ ಆನಂದ

ತಿಂಡಿಯ ತಿಂದು  ಗದ್ದೆಯಲ್ಲಿ ದುಡಿದು

ಹಂಡೆಯ ಬಿಸಿನೀರಿನಲಿ ಮೀಯುವ ಸುಖ

ಜಾಗಟೆ ಗಂಟೆಯ ಸದ್ದನು ಮಾಡಿ

ಭಕುತಿಯಲಿ ದೇವರ ಪೂಜೆಯ ಮಾಡಿ

ಬಿಸಿ ಬಿಸಿ ಊಟದ ಸವಿಯನು ಸವಿದು

ನಿದ್ದೆಯ ಮತ್ತಲಿ ಮೈಯನು ಚಾಚಿ

ಸಂಜೆಯ ಕಾಪಿಯಾ ಸಮಯಕೆ ಎದ್ದು

ಒತ್ತಡವಿಲ್ಲದೆ ಬದುಕುವ ಚಂದ

ಹಳ್ಳಿಯ ಮನೆಯ ವೈಭೋಗದ ದೃಶ್ಯ

ಪಂಕಜಾ.ಕೆ.

[29/1/2020, 9:02 PM] pankajarambhat: ಗಜಲ್.  

ಮನದ  ಜಂಜಾಟಗಳ ಮರೆಸಿತು ನಿನ್ನ ನಗು

ಹೊಸ ಕನಸುಗಳ  ಬಾಳಲಿ ಬಿತ್ತಿತು  ನಿನ್ನ ನಗು

ಮಗುವಿರುವ ಮನೆಯೊಂದು ನಂದನವನ

ಬರಿದಾದ  ಮನೆಯನ್ನು ಬೆಳಗಿತು  ನಿನ್ನ ನಗು

ತೊದಲು  ನುಡಿಗಳಿಂದ  ಎಲ್ಲರನು ಸೆಳೆದೆ

ಹೂವೊಂದು ಬಿರಿದಂತೆ ಆಯಿತು ನಿನ್ನ ನಗು

ಮುದ್ದು ಬಾಲಕೃಷ್ಣನೆ  ನೀನಲ್ಲವೇ ಕಂದ

ಜೀವನದಲ್ಲಿ ಉಲ್ಲಾಸ ತುಂಬಿತು ನಿನ್ನ ನಗು

ನಿದ್ದೆಯಲ್ಲೂ ನಕ್ಕು ಮೋಡಿ ಮಾಡಿದೆಯಲ್ಲ

ನಾಟ್ಯವಾಡುವ ನವಿಲಂತೆ  ಕುಣಿಸಿತು  ನಿನ್ನ ನಗು

ಬೆಳದಿಂಗಳ ಸ್ಪರ್ಶಕೆ ಅರಳುವುದಲ್ಲವೇ ಪಂಕಜ

ಮುಗ್ಧ ಮಗುವೇ ಮನಸೆಳೆಯಿತು ನಿನ್ನ ನಗು 

ಪಂಕಜಾ.ಕೆ

[30/1/2020, 10:28 PM] pankajarambhat: ಭಾವಯಾನ  (ಭಾವಗೀತೆ)

ಚುಮು ಚುಮು ಚಳಿಯು ಲಗ್ಗೆಯಿಟ್ಟಿದೆ

ಮೈಮನಕೆ ಜಡತೆಯನು ತಂದೊಡ್ಡಿದೆ

ಮಾಮರದ ತುಂಬೆಲ್ಲ ಹೂಗಳರಳಿದೆ

ಕೋಗಿಲೆಯು ಮಧುರವಾಗಿ ಕುಕಿಲಿಡುತ್ತಿದೆ

ಭೂರಮೆಯು ಹಸಿರುಟ್ಟು ತೊನೆದಾಡಿದೆ

ದುಂಬಿಗಳು ಮಧುಹೀರುತ ನಲಿದಾಡಿವೆ

ನಿನ್ನೊಡನೆ  ಪ್ರಕೃತಿಯಲಿ ನಲಿದಾಡೋ ಆಸೆ

ಅನುರಾಗದ ಅಲೆಗಳಲಿ ತೇಲಾಡೋ ಬಯಕೆ

ಕಣ್ಣಿನಲ್ಲಿ ನಿನ್ನ ರೂಪ ತುಂಬಿ ನಿಂತಿದೆ

ಮನದಲ್ಲಿ ಪ್ರೇಮಗಾನ ಗುಣುಗುಣಿಸಿದೆ

ನನ್ನೆದೆಯ ವೀಣೆಯನು ನೀ ಮೀಟಿದೆ

ಹೊಸರಾಗ ಹೊಸ  ಬಯಕೆ ಹುಚ್ಚೆದ್ದಿದೆ

ಆಸೆಗಳ ದುಂಬಿಗಳು ಮನ ಕೊರೆದಿದೆ

ನೂರಾರು ಹೊಸ ಕನಸ ನೀ ಬಿತ್ತಿದೆ

ಪಂಕಜಾ.ಕೆ.